Programa de mobilidade transnacional xuvenil (Galeuropa)

A Dirección Xeral de Xuventude e Voluntariado convoca axudas para proxectos de mobilidade transnacional dirixido a mozos e mozas menores de 25 anos, ou menores de 30 se teñen un grao de discapacidade igual ou superior ao 33 %. para a realización de prácticas formativas non remuneradas en entidades/empresas públicas ou privadas de países europeos.
Estas axudas concíbense como unha das medidas para a implantación do Sistema Nacional de Garantía Xuvenil, e enmárcanse dentro do Programa Operativo de Emprego Xuvenil, cofinanciado nunha porcentaxe do 91,89% pola Iniciativa de Emprego Xuvenil e o Fondo Social Europeo para o período 2014-2020, no Eixo 5. Medida 8.2.2.8. Están dotadas cun orzamento total de 999.765,72 euros.
Modalidades:
BS324A: AXUDAS INDIVIDUAIS Á MOCIDADE
BS324B: AXUDAS A ENTIDADES SEN ÁNIMO DE LUCRO
BS324C: AXUDAS A ENTIDADES LOCAIS

Requisitos para participar nas mobilidades:
1. Estar inscritos/as no ficheiro do Sistema nacional de garantía xuvenil no ámbito da Comunidade Autónoma de Galicia. Para inscribirse premer aquí
2. Ter menos de 25 anos, ou menos de 30 se teñen un grao de discapacidade igual ou superior ao 33 %. O requisito de idade debe cumprirse no momento de solicitar a inscrición no ficheiro do Sistema nacional de garantía xuvenil.
3. Non ter traballado nos trinta días naturais anteriores ao momento de recibir a actuación.
4. Non ter recibido accións educativas que comporten máis de corenta horas mensuais nos noventa días naturais anteriores ao momento de recibir a actuación.
5. Non ter recibido accións formativas que comporten máis de corenta horas mensuais nos trinta días naturais anteriores ao momento de recibir a actuación.

No suposto de que a persoa interesada en inscribirse no ficheiro do Sistema Nacional de Garantía Xuvenil tivese finalizada a súa participación no sistema educativo, considerarase que o requisito da letra b) queda suxeito a non ter recibido accións educativas que comporten máis de corenta horas mensuais nos trinta días naturais anteriores.

Estes requisitos, agás o de idade, deberán manterse no momento da selección das persoas que participarán nas mobilidades.

O prazo para presentar solicitudes estará aberto ata o 15 de xullo de 2015

O período de realización das prácticas formativas non retribuídas abarcará desde o día seguinte á publicación da resolución de beneficiarios/as das axudas ata a data límite do 30 de novembro de 2015.
As horas formativas terán unha duración mínima de 100 horas mensuais. Estas horas deberán acreditarse mediante unha proba documental de asistencia diaria ás prácticas formativas non remuneradas.
A duración das prácticas (agás causa de forza maior debidamente acreditada) será:
– Nas axudas individuais á mocidade: 2 meses consecutivos.
– Nas axudas a proxectos presentados por entidades: mínimo 2 meses e máximo 3 meses consecutivos.
Contía das axudas:

1. APOIO Á ORGANIZACIÓN E EXECUCIÓN DA MOBILIDADE (só para entidades)
Custos subvencionables			Mecanismo financiamento					Importe						Norma de asignación
A) Apoio a aspectos organizativos			Custos unitarios					350 euros por participante						Baseada no número de participantes na mobilidade
B) Apoio a necesidades especiais			Custos unitarios					200 euros adicionais por participante discapacitado/a						Condición: a petición de apoio financeiro se deberá motivar na solicitude
C) Apoio á execución do proxecto			Parte dos custos subvencionables					100% dos gastos realizados ata un máximo de 5.000 euros						Condición: a petición de apoio financeiro se deberá motivar na solicitude
2. GASTOS DE VIAXE (ida e volta) de cada participante na mobilidade
Pais	Contía					Pais			Contía			Pais				Contía
Alemaña	275€					Francia			275€			Noruega				360€
Austria	360€					Grecia			360€			P. Baixos				275€
Bélxica	275€					Hungría			360€			Polonia				360€
Bulgaria	360€					Irlanda			275€			Portugal				180€
Chipre	530€					Islandia			360€			*Azores e Madeira				*275€
Croacia	275€					Italia			275€			R. Checa				275€
Dinamarca	360€					Letonia			360€			R. Unido				275€
Eslovaquia	360€					Liechtenstein			275€			Romanía				360€
Eslovenia	275€					Lituania			360€			Suecia				360€
Estonia	360€					Luxemburgo			275€			Turquía				530€
Finlandia	360€					Malta			360€
3. ALOXAMENTO E MANUTENCIÓN
PAÍSES		Custo Mes/ Participante					Custo Día/ Participante		PAÍSES				Custo Mes/ Participante		Custo Día/ Participante
ALEMAÑA		1.226€					40,31€		ITALIA				1.350€		44,38€
AUSTRIA		1.278€					42,02€		LETONIA				920€		30,25€
BÉLXICA		1.200€					39,45€		LIECHTENSTEIN				1.444€		47,47€
BULGARIA		1.002€					32,94€		LITUANIA				906€		29,79€
CHIPRE		1.096€					36,03€		LUXEMBURGO				1.200€		39,45€
CROACIA		1.041€					34,98€		MALTA				1.088€		35,77€
DINAMARCA		1.654€					54,38€		NORUEGA				1.670€		54,90€
ESLOVAQUIA		1.058€					34,78€		P.BAIXOS				1.322€		43,46€
ESLOVENIA		1.042€					34,26€		POLONIA				1.320€		43,40€
ESTONIA		954€					31,36€		PORTUGAL				1.102€		36,23€
FINLANDIA		1.400€					46,03€		R.CHECA				1.024€		33,67€
FRANCIA		1.418€					46,62€		R.UNIDO				1.672€		54,97€
GRECIA		1.120€					36,82€		ROMANIA				1.008€		33,14€
HUNGRÍA		914€					30,05€		SUECIA				1.378€		45,30€
IRLANDA		1.464€					48,13€		TURQUÍA				896€		29,46€
ISLANDIA		1.376€					45,24€
4. APOIO LINGÜÍSTICO
Mecanismo financiamento					Importe					Norma de asignación
Custos unitarios					150 euros por participante					Condición: as persoas /entidades solicitantes deberán solicitar o apoio lingüístico na lingua necesaria para a mobilidade
5. GASTOS EXCEPCIONAIS
Mecanismo de financiamento					Importe					Norma de asignación
Parte dos custos subvencionables					100% do gasto at o máximo de 150€					Condición: a petición de apoio financeiro para cubrir gastos excepcionais deberase motivar na solicitude

Máis información:

No procedemento BS324A:

e-mail: galeuropain-garantiaxuvenil@xunta.es

Tlfno: 981544854 e 981544645

Nos procedementos BS324B e BS324C

e-mail: galeuropapr-garantiaxuvenil@xunta.es

Tlfno: 981541688 e 981544645

DOG do 15 de xuño de 2015

Aberto o prazo para solicitar unha praza nos ciclos formativos

 Dende o 17 de xuño ao 2 de xullo estará aberto o prazo para solicitar unha praza nos ciclos formativos que se imparten en Galicia.

Existen tres formas de cursar estas ensinanzas:

Réxime ordinario
Este réxime está organizado en cursos, normalmente dous, en quendas de mañá e tarde.
A asistencia ás clases é obrigatoria.
O alumnado que estea en condicións de pasar a segundo curso deberá realizar unha solicitude de admisión aínda que terá a praza garantida sempre que sexa no mesmo centro.
O alumnado que teña que repetir o curso terá que realizar unha nova solicitude de admisión, aínda que terá a praza garantida sempre que repita por primeira vez no mesmo centro e ciclo.

Réxime para as persoas adultas na modalidade presencial
Este réxime está organizado en módulos que se imparten ao longo dos tres trimestres do curso.
A xornada lectiva desenvólvese polo xeral en quenda de tarde-noite.
A asistencia ás clases é obrigatoria.
Nos módulos de ciclos LOE asociados a unidades de competencia o alumnado pode matricularse sen cumprir requisitos de acceso sempre que acredite dous anos de experiencia laboral no ámbito da familia profesional do ciclo formativo.
Para a obtención do título será preciso ter os requisitos de acceso e superar todos os módulos do ciclo formativo.
Cada curso haberá que facer unha nova solicitude de admisión. Aínda que a praza non está garantida, cada módulo superado incrementa a puntuación de participación no proceso de admisión.

Réxime para as persoas adultas na modalidade semipresencial ou a distancia
Este réxime está organizado en módulos que se imparten ao longo dos tres trimestres do curso.
A asistencia ás titorías e outros eventos formativos presenciais é recomendable, pero non obrigatoria. Para a realización das actividades a distancia seguiranse as instrucións do titor do curso.
Nos módulos de ciclos da LOE asociados a unidades de competencia o alumnado pode matricularse sen cumprir os requisitos de acceso sempre que acredite dous anos de experiencia laboral no ámbito da familia profesional do ciclo formativo.
Para a obtención do título será preciso cumprir os requisitos de acceso e superar todos os módulos do ciclo formativo.
Cada curso haberá que facer unha nova solicitude de admisión. Aínda que a praza non está garantida, cada módulo superado incrementa a puntuación de participación no proceso de admisión.
Admisión a ciclos formativos de grao medio
Admisión a ciclos formativos de grao superior
Oferta de ciclos formativos que se poden estudar en Galicia

Prazas nos centros residenciais docentes da Coruña, Ourense e Vigo

 A Consellería de Cultura, Educación e Ordenación Universitaria convoca prazas de residencia nos centros residenciais docentes da Coruña, Ourense e Vigo para realizar estudos postobrigatorios non universitarios no curso académico 2015/16.

Requisitos:
A persoa solicitante deberá estar matriculada nunha concreta modalidade dun nivel educativo ou nunha familia profesional ou especialidade dun ciclo formativo, que:
a) Non se imparta en ningún centro sostido con fondos públicos da localidade de residencia habitual da unidade familiar á cal pertenza.
b) Tampouco se imparta nunha localidade que, pola súa proximidade á de residencia habitual ou polos medios de comunicación dispoñibles, permita o desprazamento diario con facilidade.

Excepcionalmente, poderán ser eximidos deste requisito os solicitantes nos cales concorran circunstancias persoais ou familiares moi graves debidamente xustificadas e acreditadas.

Requisito de renda da unidade familiar:
Para determinar as bolsas e bonificacións en función da renda familiar, terase en conta o limiar 2 fixado polo Real decreto 472/2014, do 13 de xuño, do Ministerio de Educación, Cultura e Deporte, polo que se establecen os limiares de renda e patrimonio familiar e as contías das bolsas e axudas ao estudo para o curso 2014/15 (Boletín Oficial del Estado núm. 144, do 14 de xuño)

Se a renda da unidade familiar é igual ou inferior ao limiar 2, o beneficiario terá praza gratuíta.
Se a renda da unidade familiar é superior ao limiar 2, o beneficiario deberá aboar anualmente as seguintes cantidades:
a) Ata un 10 %: 538 €.
b) Máis do 10 % e ata un 20 %: 825 €.
c) Máis do 20 % e ata un 30 %: 1.307 €.
d) Máis do 30 %: 1.968 €.

Prazos:
a) Para os solicitantes matriculados en Bacharelato ata o 17 de xullo de 2015.
b) Para os solicitantes matriculados en ciclos formativos ata o 7 de agosto de 2015.

Os trámites poden facerse en http://sede.xunta.es co procedemento E306A

Máis información no DOG do 18 de xuño de 2015 e nos CRD:
http://centros.edu.xunta.es/credocoruna/
http://centros.edu.xunta.es/credovigo/
http://centros.edu.xunta.es/credodeourense/

Últimos días!!! Campamentos de verán específicos para persoas con discapacidade 2015

Benestar convoca campamentos de verán para persoas con discapacidade.
Permiten gozar, durante 10 días, dunha estadía socializadora e de convivencia, nun espazo lúdico, humano, integrador, formativo e seguro; mediante o desenvolvemento de actividades que este ano estarán dirixidas especialmente ao fomento de habilidades sociais, ao contacto coa terra, ao coñecemento da propia cultura e á educación para a saúde.

Persoas destinatarias
As que teñan recoñecida a condición de persoa con discapacidade, unha idade comprendida entre os 11 e os 40 anos e presenten calquera tipo de limitación e / ou necesidade especial

Requisitos
· Ter recoñecida unha discapacidade cunha porcentaxe igual ou superior ao 33%
· Ter unha idade comprendida entre os 11 e os 40 anos. Ter cumprida a idade mínima establecida ao inicio da quenda e non superar a máxima á súa finalización
· Estar empadroados nalgún concello de Galicia.
· Non presentar trastornos que poidan alterar a convivencia durante o transcurso da actividade.
· Ter unha capacidade mínima de comunicación e de participación nas actividades que se van desenvolver.
· Ter unha mobilidade acorde coas características da instalación que solicita.

Servizos ofertados
· Aloxamento en albergue ou residencia, segundo o destino solicitado.
· Manutención en réxime de pensión completa.
· Programa de actividades de animación sociocultural.
· Material necesario para a actividade.
· Equipo técnico de persoal especializado en animación sociocultural, actividades de tempo libre e náuticas.
· Atención sanitaria de primeiros auxilios e seguro de accidentes

Destinos:
Albergue Xuvenil de Gandarío. Bergondo-A Coruña.
de 11 a 14 anos do 1 ao 10 de agosto
de 15 a 18 anos do 11 ao 20 de agosto
de 19 a 25 anos do 11 ao 20 de agosto
de 26 a 40 anos do 20 ao 29 de agosto

Residencia de Tempo libre Panxón. Nigrán. Pontevedra.
de 11 a 14 anos do 1 ao 10 de xullo
de 15 a 18 anos do 1 ao 10 de xullo
de 19 a 25 anos do 1 ao 10 de setembro
de 26 a 40 anos do 1 ao 10 de setembro

Prezo: 125 €
Ese importe pódese reducir nun 50% se a persoa ten o título de familia numerosa e nun 25 % se ten o carné xove.

Modelo de solicitude e de informe médico:
A solicitude e o informe médico formalizarase nos impresos oficiais e terán que estar asinadas polos pais/nais ou titores das persoas con discapacidade e polo persoal médico,
segundo corresponda.
Estes impresos están a disposición das persoas interesadas na páxina web: http://benestar.xunta.es

O prazo para presentar solicitudes estará aberto ata o 10 de xuño incluído.

Máis información no teléfono social 900 333 666 e en http://benestar.xunta.es

Acceso ás ensinanzas deportivas para o curso 2015/16

A Consellería de Educación convoca probas de acceso ás ensinanzas deportivas para o curso 2015/16.

Acceso ás ensinanzas deportivas de grao medio.
Terá acceso ao grao medio das ensinanzas deportivas o alumnado que cumpra calquera dos seguintes requisitos:
a) Dispor do título de graduado en educación secundaria, e superar unha proba específica.
b) O alumnado que non dispoña do título de graduado en educación secundarias, deberá ter 17 anos e superar a proba de madureza.

Acceso ás ensinanzas deportivas de grao superior.
Terá acceso ao grao superior das ensinanzas deportivas o alumnado que cumpra os seguintes requisitos:
a) Dispor do título de técnico deportivo na modalidade ou especialidade deportiva correspondente, ter o título de bacharel, ou equivalente para os efectos académicos, e cumprir cos requisitos relativos á experiencia deportiva que se puideren establecer na especialidade ou modalidade correspondente.
b) O alumnado que non posúa o título de bacharel deberá ter 19 anos e superar unha proba de madureza.

A inscrición para realizar as probas farase preferentemente na secretaría dos centros públicos onde se imparten ensinanzas deportivas.
O prazo de inscrición estará aberto ata o día 10 de xullo de 2015.
As solicitudes poden tramitarse en https://sede.xunta.es cos procedemento ED318A
Máis información no DOG 5 de xuño de 2015 e en www.edu.xunta.es
Oferta educativa de deporte: http://www.edu.xunta.es/web/node/1550

Benestar convoca campamentos de verán para persoas con discapacidade.
Permiten gozar, durante 10 días, dunha estadía socializadora e de convivencia, nun espazo lúdico, humano, integrador, formativo e seguro; mediante o desenvolvemento de actividades que este ano estarán dirixidas especialmente ao fomento de habilidades sociais, ao contacto coa terra, ao coñecemento da propia cultura e á educación para a saúde.

Persoas destinatarias
As que teñan recoñecida a condición de persoa con discapacidade, unha idade comprendida entre os 11 e os 40 anos e presenten calquera tipo de limitación e / ou necesidade especial

Requisitos
· Ter recoñecida unha discapacidade cunha porcentaxe igual ou superior ao 33%
· Ter unha idade comprendida entre os 11 e os 40 anos. Ter cumprida a idade mínima establecida ao inicio da quenda e non superar a máxima á súa finalización
· Estar empadroados nalgún concello de Galicia.
· Non presentar trastornos que poidan alterar a convivencia durante o transcurso da actividade.
· Ter unha capacidade mínima de comunicación e de participación nas actividades que se van desenvolver.
· Ter unha mobilidade acorde coas características da instalación que solicita.

Servizos ofertados
· Aloxamento en albergue ou residencia, segundo o destino solicitado.
· Manutención en réxime de pensión completa.
· Programa de actividades de animación sociocultural.
· Material necesario para a actividade.
· Equipo técnico de persoal especializado en animación sociocultural, actividades de tempo libre e náuticas.
· Atención sanitaria de primeiros auxilios e seguro de accidentes

Destinos:
Albergue Xuvenil de Gandarío. Bergondo-A Coruña.
de 11 a 14 anos do 1 ao 10 de agosto
de 15 a 18 anos do 11 ao 20 de agosto
de 19 a 25 anos do 11 ao 20 de agosto
de 26 a 40 anos do 20 ao 29 de agosto

Residencia de Tempo libre Panxón. Nigrán. Pontevedra.
de 11 a 14 anos do 1 ao 10 de xullo
de 15 a 18 anos do 1 ao 10 de xullo
de 19 a 25 anos do 1 ao 10 de setembro
de 26 a 40 anos do 1 ao 10 de setembro

Prezo: 125 €
Ese importe pódese reducir nun 50% se a persoa ten o título de familia numerosa e nun 25 % se ten o carné xove.

Modelo de solicitude e de informe médico:
A solicitude e o informe médico formalizarase nos impresos oficiais e terán que estar asinadas polos pais/nais ou titores das persoas con discapacidade e polo persoal médico,
segundo corresponda.
Estes impresos están a disposición das persoas interesadas na páxina web: http://benestar.xunta.es/web/portal/campamentos-veran-

O prazo para presentar solicitudes estará aberto ata o 10 de xuño incluído.

Máis información no teléfono social 900 333 666 FREE e en http://benestar.xunta.es

Bolsas para mozos/as para un curso de inmersión lingüística en inglés na UIMP

O Ministerio de Educación convoca 3.207 axudas de 575,30 € cada unha para seguir un curso de inmersión lingüística en inglés organizado pola Universidade Internacional Menéndez Pelayo.
Os cursos impartiranse en dúas modalidades: modalidade de axilidade oral en Inglés Xeral e modalidade de Inglés Especializado.
Ambas as dúas modalidades terán unha duración de cinco días e desenvolveranse en réxime de internado de domingo pola tarde a sábado a mediodía.
Sedes:
Santander, Madrid, Coruña, Cuenca, Valencia, Sevilla, Granada, Tenerife, La Línea, Barcelona, Aragon, Cartagena.
Beneficiarios.
Poderán solicitar estas axudas os mozos que non cumprisen 30 anos a 31 de decembro de 2015 e que obtivesen a condición de bolseiro para cursar Ensinanzas Universitarias, Ensinanzas Artísticas Superiores, outros estudos Superiores ou Formación Profesional de Grao Superior.
O prazo para presentar solicitudes estará aberto ata o 22 de xuño de 2015
Máis información no BOE do 22 de maio de 2015 e en www.uimp.es 
http://www.mecd.gob.es/servicios-al-ciudadano-mecd/catalogo-servicios/becas-ayudas-subvenciones/para-estudiar/idiomas.html

Eduemprende Idea 2015

A Consellería de Educación convoca o concurso Eduemprende Idea 2015, dirixido ao alumnado das ensinanzas de formación profesional, deportivas ou de artes plásticas e deseño da Comunidade Autónoma de Galicia, co fin de potenciar a realización de proxectos empresariais.

Requisitos:
1. Estar matriculado no curso 2014/15 nas ensinanzas de formación profesional, deportivas ou de artes plásticas e deseño da Comunidade Autónoma de Galicia sostidas con fondos públicos.
2. A participación terá que ser en grupo, formado por un mínimo de dous/dúas alumnos/as e un máximo de catro.

Modalidades e características dos premios:
Premiaranse os tres mellores proxectos de empresa de cada modalidade.
1. Modalidade A: ciclos de grao superior.
– Incorporación a un viveiro de empresa da Consellería de Cultura, Educación e Ordenación Universitaria.
– Asesoramento técnico do Igape.
– Dotación económica:
1º premio: 3.000 euros.
2º premio: 2.000 euros.
3º premio: 1.000 euros.

2. Modalidade B: ciclos de grao medio.
– Incorporación a un viveiro de empresa da Consellería de Cultura, Educación e Ordenación Universitaria.
– Asesoramento técnico do Igape.
– Dotación económica:
1º premio: 3.000 euros.
2º premio: 2.000 euros.
3º premio: 1.000 euros.

O prazo de presentación de solicitudes estará aberto ata o 26 de xuño de 2015.
As solicitudes poden tramitarse en https://sede.xunta.es co procedemento ED523A
Máis información no DOG do 27 de maio de 2015 e en https://www.edu.xunta.es/fp/eduemprende

Proxecto Grundtvig. NoNeets, programa de aprendizaxe permanente.

 O proxecto NoNeets é un proxecto que involucra a seis países europeos (Bélxica, España, Francia, Italia, República Checa e Romanía) ao abeiro do Programa de Aprendizaxe Permanente (PAP) e financiado pola Comisión Europea.
As finalidade do proxecto é identificar as características, as necesidades e intereses da poboación nini, analizar o fenómeno nini, deseñar e poñer en marcha un programa común baseado na demanda dos/as benficiarios/as finais, involucrar á xuventude adulta en diferentes actividades que permitan a súa motivación e incrementar na poboación en xeral a importancia do proceso da aprendizaxe continuo.
Este programa vai principalmente dirixido a mozos e mozas de entre 15 e 29 anos desempregados, non asistentes a cursos de formación, que non traballan, na procura de educación e formación ou oportunidades laborais.
O obxectivo do proxecto é coñecer as súas necesidades e intereses, así como xerar un punto de partida para ofrecerlle á xuventude as ferramentas eficientes e con éxito que fortalezan as habilidades motivacionais, as actitudes sociais, os coñecementos e competencias apoiando a súa inserción profesional e social.

A acción formativa deste proxecto será desenvolvida no mes de xuño nas comarcas de Sarria e Verín.

Tras dun proceso de selección dos/as candidatos/as, 12 persoas, en cada unha das sés,  poderán optar a esta formación e apoio a través dun curso onde se lles aportarán ferramentas para conquerir o seu traballo así como ferramentas para o emprendemento.
Dentro da acción formativa tamén terán posibilidade de participar en eventos locais relacionados coa súa zona a través de entrevistas de traballo, visitas a empresas, coñecemento de boas prácticas, contacto cos axentes sociais,…
O proxecto ofrece ante todo unha oportunidade de formarse, de ter encontros con mozos e mozas cunha misión de mudar o seu futuro, e moitas ferramentas para conquerilo.
Se queres participar no programa envía os teus datos a: noneets.galicia@gmail.com
www.noneets.eu
FOLLETO INFORMATIVO

Fondo solidario de libros de texto para alumnado de 3º e 5º de primaria e 2º e 4º ESO

A Consellería de Educación crea un fondo solidario de libros de texto destinado ao alumnado matriculado en 3º e 5º de educación primaria e en 2º e 4º de educación secundaria obrigatoria en centros docentes sostidos con fondos públicos da Comunidade Autónoma de Galicia no curso 2015/16.

Todos os centros docentes sostidos con fondos públicos deberán dispoñer dun fondo solidario de libros de texto, que estará integrado por:
1. Todos os libros de texto e/ou material reutilizable adquirido coas axudas do curso 2014/15, que o alumnado beneficiario está obrigado a devolver.
2. Os libros de texto e o material didáctico vixente e útil voluntariamente cedido ao fondo.

Poderán presentar solicitude o/a proxenitor/a ou representante legal do alumnado matriculado ou que se vaia matricular no curso 2015/16 nos niveis educativos incluídos.
O centro asignará o uso dos libros de texto dispoñibles por orde inversa á renda per cápita da unidade familiar.
O prazo de presentación de solicitudes estará aberto ata o 30 de xuño de 2015.
As solicitudes poden tramitarse en https://sede.xunta.es co procedemento ED330D
Máis información no DOG do 1 de xuño de 2015 e en www.edu.xunta.es

Axudas para libros de texto de 1º, 2º, 4º e 6º de educación primaria, 1º e 3º de ESO

A Consellería de Educación convoca axudas para a adquisición de libros de texto destinadas ao alumnado matriculado en 1º, 2º, 4º e 6º de educación primaria, en 1º e 3º de educación secundaria obrigatoria ou en educación especial, en centros sostidos con fondos públicos da Comunidade Autónoma de Galicia, no curso escolar 2015/16.

Requisitos:
Ser pai/nai/titor ou titora legal do alumnado matriculado.
Ter unha renda per cápita familiar igual ou inferior a 9.000 euros. Prazo de presentación de solicitudes:
a) Para o alumnado de educación primaria e educación especial: 1 de xullo de 2015
b) Para o alumnado de educación secundaria obrigatoria que formalice a matrícula no prazo ordinario: do 25 de xuño ao 27 de xullo de 2015, ambos inclusive.
c) Para o alumnado de educación secundaria obrigatoria que formalice a matrícula no prazo extraordinario: do 2 de setembro ao 2 de outubro de 2015, ambos inclusive.
As solicitudes poden tramitarse en https://sede.xunta.es co procedemento ED330B
Máis información no DOG do 1 de xuño de 2015 e en www.edu.xunta.es

Visitas didácticas á exposición 'Camiño. A Orixe'

Percorrer o Camiño de Santiago a través dunha viaxe por etapas nas que meterse na pel do peregrino, coñecer os seus símbolos, vivir as súas experiencias e recrear episodios claves da nosa Historia. Esta é a proposta didáctica que ofrece a Cidade da Cultura a través da exposición Camiño. A Orixe.

Con contidos adaptados por niveis educativos, as Visitas didácticas Camiño. A orixe ofrecen percorridos guiados con actividades pedagóxicas e lúdicas. Estas visitas achegarán os escolares ao fenómeno da peregrinación a través de obras mestras da arte como pinturas de Murillo ou Durero e outras pezas de alto valor cultural, coñecerán os seus símbolos e vivirán os múltiples significados do Camiño con audiovisuais que lles permitirán poñerse na pel dos peregrinos.

A estrutura da exposición –que ademais dos dous primeiros andares do Museo Centro Gaiás conta con once intervencións artísticas en diversos puntos da Cidade da Cultura- permitirá tamén abordar o Camiño como fío conductor da nosa Historia. O alumno emprenderá, así, unha viaxe que o leve a recrear momentos históricos que estiveron ligados a Camiño ao longo dos séculos como a Batalla de Clavijo ou a de Lepanto, comprendendo a importancia política, social e económica da peregrinación ao longo do tempo.

As Visitas didácticas Camiño. A Orixe son de balde mais é preciso concertar cita previamente a través do correo electrónico: visitasdidacticas@cidadedacultura.org

www.cidadedacultura.gal/gl/evento/camino-orixe

Acceso ás ensinanzas profesionais de artes plásticas e deseño para o curso 2015-2016

A Consellería de Educación publica as normas para o acceso e a admisión do alumnado ás ensinanzas profesionais de artes plásticas e deseño para o curso 2015-2016.

Acceso ás ensinanzas profesionais de artes plásticas e deseño de grao medio.
Requisitos:
a) Dispor do título de graduado en educación secundaria e superar unha proba específica.
b) Os aspirantes que non dispoñan do título de graduado en educación secundaria, deberán ter cumpridos os dezasete anos e superar a proba de madureza ademais da correspondente proba específica.
c) A proba de madureza poderase substituír pola proba de acceso á universidade para maiores de vinte e cinco anos, pola proba de madureza a ciclos formativos de grao medio de formación profesional ou pola proba de madureza de grao medio de ensinanzas deportivas.

Acceso ás ensinanzas profesionais de artes plásticas e deseño de grao superior.
Requisitos:
a) Dispor do título de bacharel e superar unha proba específica.
b) Os aspirantes que non dispoñan do título de bacharel, deberán ter cumpridos os dezanove anos e superar a proba de madureza, ademais da correspondente proba específica.
c) A proba de madureza poderase substituír pola proba de acceso á universidade para maiores de vinte e cinco anos, pola proba de madureza a ciclos formativos de grao superior de formación profesional ou pola proba de madureza de grao superior de ensinanzas deportivas.

Estarán exentos de realizar a proba específica de acceso ao grao medio e superiores das ensinanzas de artes plásticas e deseño, quen estea en posesión dalgunha das seguintes titulacións:
a) Título de bacharel, modalidade de artes, ou de bacharelato experimental.
b) Título superior de Artes Plásticas ou título superior de Deseño, nas súas diferentes especialidades, ou títulos declarados equivalentes.
c) Título superior de Conservación e Restauración de Bens Culturais, nas súas diferentes especialidades.
d) Licenciatura en Belas Artes.
e) Arquitectura.
f) Enxeñaría técnica en Deseño Industrial.

Así mesmo, estará exento de realizar a proba específica de acceso ao grao medio e superior de artes plásticas e deseño quen acredite ter experiencia laboral de, polo menos, un ano, relacionada directamente coas competencias profesionais do ciclo a que se queira acceder, para o cal presentará a seguinte documentación:
Certificación da empresa onde adquiriu a experiencia laboral en que conste a natureza e duración concreta da actividade realizada.

Prazos: A inscrición farase na secretaría das escolas públicas en que se impartan as correspondentes ensinanzas profesionais de artes plásticas e deseño ata o día 18 de xuño para os ciclos de grao superior, e ata o 24 de xullo para os ciclos de grao medio.

Desenvolvemento das probas:
a) Probas de acceso ao grao medio:
Proba de madureza: 2 de setembro.
Proba específica: 4 de setembro.
b) Ciclos de grao superior:
Proba de madureza: 26 de xuño.
Proba específica para todas as familias profesionais: día 9 de xullo.

As solicitudes poden tramitarse en https://sede.xunta.es cos procedemento ED511E e ED511D
Máis información no DOG 2 de xuño de 2015 e en www.edu.xunta.es

Inmersión en lingua inglesa para 6º de primaria e 2º ESO

O Ministerio de Educación convoca 126 axudas para grupos de alumnos de 6º curso de Educación Primaria e 84 axudas para grupos de alumnos de 2º da ESO, co fin de participar nun programa de inmersión en lingua inglesa.
Os alumnos deben estar matriculados en centros sostidos con fondos públicos, e viaxarán acompañados por dous profesores: o seu profesor de inglés e outro profesor do centro cun coñecemento da lingua inglesa adecuado para participar nun programa de inmersión nesta lingua.
O centro formará un grupo de entre 20 e 25 alumnos de 6º curso de Educación Primaria ou de 2º da ESO.
A actividade levarase a cabo en datas comprendidas entre os meses de setembro a novembro de 2015 e realizarase, en réxime de internado, en períodos semanais, de domingo pola tarde a sábado pola mañá, de acordo co seguinte calendario:
- Primeira quenda: do 27 setembro ao 3 de outubro.
- Segunda quenda: do 4 ao 10 de outubro.
- Terceira quenda: do 11 ao 17 de outubro.
- Cuarta quenda: do 18 ao 24 de outubro.
- Quinta quenda: do 25 de outubro ao 31 de outubro.
- Sexta quenda: do 1 ao 7 de novembro.
- Sétima quenda: do 8 ao 14 de novembro.

O prazo para presentar solicitudes estará aberto ata o 18 de xuño de 2015
Máis información no BOE do 1 de xuño de 2015 e en www.educacion.es

Intercambio xuvenil a Berlín

“A Xuventude no mundo” edición 2015: intercambio xuvenil a Berlin. Alemaña.

No marco do programa “A Xuventude no mundo”, a Dirección Xeral de Xuventude e Voluntariado da Consellería de Traballo e Benestar convoca un intercambio ao Distrito de Reinickendorf-Berlin, (Casa da Xuventude Fuchsbau) no marco das relacións bilaterais que mantén con distintas entidades noutros países.
Obxectivos: facilitar o coñecemento doutras realidades sociocultural e lingüísticas para a comprensión da diversidade cultural e  favorecer e potenciar a adquisición de habilidades e competencias non formais que faciliten o desenvolvemento persoal. Realización de workshops sobre as eleccións europeas e o que traen para a sociedade.
Datas de realización do intercambio: do 2 ao 9 de xullo de 2015.
Prazas: 4 (acompañados/as dun/ha coordinador/a).
Destinatarios: mozos e mozas galegos residentes en Galicia con idades comprendidas entre os 18 e 25 anos de idade no momento de celebrarse o intercambio.
Prazo de inscrición: do 18 ao 22 de maio de 2015.
Inscrición: mediante envío de formulario electrónico dentro do prazo establecido. Só se admitirá unha solicitude por participante.
Os erros nos datos facilitados na solicitude de participación ou a omisión dalgún deles pode ocasionar a desestimación da solicitude.
Admisión: será por rigoroso orde de inscrición, ata cubrir a totalidade de prazas convocadas para o intercambio. Os/as solicitantes seleccionados/as recibirán un correo electrónico de confirmación da praza. De non recibir comunicación de confirmación da praza o último día de inscrición, entenderase que non obtivo praza para o intercambio.

Confirmada a praza nos 5 días (naturais) seguintes os/as seleccionadas deberán remitir a galeuropa@xunta.es:
- unha copia do billete de transporte adquirido para desprazarse ata a cidade do país do intercambio. Non é documento válido a reserva de voo
- unha copia da Tarxeta Sanitaria Europea  ou copia seguro de viaxe, de accidentes e  de enfermidade.
A non remisión destes documentos no prazo establecido supón a perda da praza no intercambio.
De darse baixas despois de ter sido adxudicadas as prazas, ofertaránselle  aos seguintes da lista de espera, tendo que presentar estes o billete e a documentación nos 3 días (naturais) seguintes da comunicación.
De ser o caso de que o billete de transporte adquirido fose anulado posteriormente a súa remisión á Dirección Xeral de Xuventude e Voluntariado, a praza para o intercambio será anulada e considerada non adxudicada.
Recibidos correctamente as copias dos documentos requiridos, posteriormente aos seleccionados seralles facilitado o nome do coordinador que acompañará ao grupo, así como o lugar de encontro no lugar de celebración do intercambio
Realizaranse o intercambio se existe un mínimo da metade mais un das prazas convocadas para cada intercambio.
Cobertura do intercambio
- Aloxamento  en réxime de pensión completa en cuarto de uso múltiple.
- Trasporte no ámbito do intercambio.
- Actividades  propostas para organizar pola entidade de acollida como:
Visita  a Alexanderplatz  e o Bundestag (parlamento alemán) e a Potsdamer Platzes, Berlin , Workshops diversos, encontro e recorrido por  museos na Isla dos Museos, visita o teatro Friedrich Stadt Palast, viaje a Dresden e visita a  Bóveda Verde (museo) e a Gemälde Galerie (Galería de arte). Viaxe a Potsdam  e visita o Palacio Cecilienhof  eo  Neuen Kammern (Palacio proruso, galería de arte). Visita  Rathaus Reinickendorf. Visita a Mittagessen. Visita a Kahnfahrt en Spreewald. Cena internacional.
Será a cargo do/a participante:
- Os gastos de desprazamento ata o lugar de aloxamento do intercambio
- A obtención da Tarxeta Sanitaria Europea  ou seguro de viaxe, de accidente e  de enfermidade.
Recomendación de aeroportos  máis pretos para chegar ao lugar de destino do país de realización do intercambio:

Aeropuerto de Berlín-Tegel (TXL)
Aeropuerto de Berlín-Schönefeld (SXF)
Aeropuerto de Berlín-Tempelhof (THF)

Máis información:
xuventude@xunta.es 
FORMULARIO

Xa podes solicitar o intercambio con Londres

 

Erasmus+: Intercambio Xuvenil en Londres "European Youth Future"

O programa Erasmus+ pretende mellorar o nivel de competencias e de capacidades básicas dos mozos e mozas, así como potenciar a dimensión internacional destes a través da participación en proxectos no estranxeiro.
A Dirección Xeral de Xuventude e Voluntariado é socia no proxecto “European Youth Future”, que organiza a ONG NIKOLA (New  International Company of Live Arts), con domicilio en Londres (Reino Unido). 

Obxectivos: O proxecto terá lugar na cidade de Londres (Reino Unido), no que 45 mozos e mozas de 7 países da Unión Europea terán a oportunidade de participar activamente nun intercambio xuvenil, no que se levarán a cabo diferentes actividades como: debates, xogos de rol, obradoiros e visitas a diferentes asociacións e organizacións xuvenís da cidade.
Mediante a colaboración por un obxectivo común, como a participación na planificación en conxunto, axudará a que moitos mozos e mozas se sintan máis capacitados para tomar decisións, para interactuar e para mirar e crear  oportunidades de traballo. Así mesmo, compartir as experiencias de diferentes países agregará valor ao proxecto en si.
Os mozos e mozas que estean motivados a participar nun intercambio interactivo, que estean interesados en postos de traballo no campo das artes e que queiran contribuír a dar forma á sociedade, serán os beneficiados desta acción.
Países participantes: Reino Unido, Italia, Francia, España, Turquía, Polonia e Bulgaria.
Datas de realización do intercambio: do 24 ao 30 de xuño de 2015.
Destinatarios: mozos e mozas residentes en Galicia entre 18 e 30 anos con coñecementos de danza, fotografía, música e/ou maquillaxe.
Prazas: 4 prazas
Prazo de inscrición: do 18 ao 22 de maio de 2015.
Cota de participación FEE: 100 € (serán pagados á organización de acollida no momento do inicio do intercambio no país de acollida).
Os participantes comprarán os billetes de traslado (ida e volta) desde o seu domicilio ata o lugar de aloxamento do intercambio en Londres pola súa propia conta, e seralles devolto o custo ata un máximo de 170 euros, coa presentación da factura a nome da organización NIKOLA (facilitaranse datos para facer esta no correo electrónico de confirmación da praza) e boarding pass (tarxetas de embarque) ou outros xustificantes de viaxe.
Inscrición: Realizarase mediante o envío do formulario electrónico dispoñible nesta páxina web dentro do prazo establecido. Soamente se admitirá una solicitude por participante. Os erros nos datos facilitados na solicitude de participación ou a omisión de algún deles, poderá ocasionar a desestimación da solicitude.
Admisión: Será por rigorosa orde de inscrición sempre que se xustifiquen os coñecementos de danza, fotografía, música e/ou maquillaxe, e ata cubrir a totalidade das prazas convocadas para o intercambio.
Os/as solicitantes seleccionados/as recibirán un correo electrónico de confirmación da praza, no que se indicará ademais os datos de facturación da organización de acollida para os efectos de emisión da factura por viaxe.
De non recibir confirmación desta o último día de inscrición, entenderase que non obtivo praza para participar no intercambio.
Confirmada a praza nos 5 días seguintes  laborables, os/as seleccionados/as deberán remitir  a mobilidadexuvenil@xunta.es a seguinte documentación:
- Factura e billetes de transporte ata a cidade de Londres
- Fotocopia do DNI
- Fotocopia da Tarxeta Sanitaria Europea ou póliza de seguro de viaxe, de accidente e  de enfermidade.
- Documento acreditativo dos coñecementos de danza, fotografía, música e/ou maquillaxe.
Recibidas correctamente as copias dos documentos solicitados, aos/ás seleccionados/as facilitáraselles posteriormente os datos de contacto do coordinador que acompañará ao grupo, así como o lugar de encontro na cidade de realización do intercambio.
Se houbera algunha baixa despois da adxudicación das prazas, ofertarase aos seguintes na lista de espera, tendo que presentar estes a documentación precisa nun prazo de 3 días laborais trala comunicación.
Cobertura do intercambio:
- Aloxamento en réxime de pensión completa en cuarto de uso múltiple
- Trasporte local no ámbito do intercambio
- Actividades organizadas pola entidade de acollida.

Máis información: xuventude@xunta.es
981 544 645 e 981 544 869
FORMULARIO DE INSCRICIÓN
 

Carnés para a mocidade

Prazas nas residencias xuvenís da Dirección Xeral de Xuventude

A Dirección Xeral de Xuventude e Voluntariado convoca 223 prazas para mozos e mozas, nas súas residencias xuvenís para o curso académico 2015/2016, no réxime de internado.
As prazas ofértanse tanto para mozas e mozos estudantes como traballadoras/es.
O período máximo de estadía das persoas beneficiarias será de 11 meses e estará comprendido entre o 1 de setembro de 2015 e o 31 de xullo de 2016. Exceptúanse os períodos de vacacións de Nadal e Semana Santa.

Prazas:
Lugo: Centro Residencial Xuvenil LUG. 74 prazas
Ourense: Florentino L. Cuevillas. 55 prazas
Vigo: Altamar. 94 prazas.

Do total de prazas resérvase un 9% para mozos e mozas que desempeñen unha actividade estatutaria, funcionarial ou laboral, tanto se é por conta propia como allea:
Lugo: Centro Residencial Xuvenil LUG. 7 prazas
Ourense: Florentino L. Cuevillas. 5 prazas
Vigo: Altamar. 8 prazas.

Requisitos para mozos e mozas estudantes:
– Ter os 16 anos feitos e non superar os 30 na data do 31 de decembro de 2015.
– Cursar estudos de ciclos formativos de grao medio, de bacharelato, de ciclos formativos de grao superior, estudos universitarios tendentes á obtención de título de grao ou equivalente ou ben, mentres non se xeneralice a implantación dos novos títulos universitarios, estudos universitarios de 1º, 2º ou 3º ciclo nunha facultade ou escola universitaria, ou estudos superiores en ensinanzas artísticas.
- Que no concello onde radique a súa residencia familiar non exista oferta de centros públicos para realizar o curso, nivel ou grao correspondente aos estudos que vaia cursar o/a solicitante. Exceptúase do anterior a realización de estudos universitarios, nos que o/a solicitante non acade a nota de corte ou puntuación académica mínima esixida para o ingreso nas facultades ou escolas universitarias da localidade de residencia familiar.

Requisitos para mozos e mozas traballadores/as:
- Que o lugar de traballo teña o enderezo nun concello distinto ao lugar de residencia familiar da persoa solicitante.
- No caso de que a relación de traballo non sexa fixa ou indefinida terá que ter unha duración mínima de 3 meses a contar dende a data en que finalice o prazo de presentación de solicitudes.
- No caso de ser unha persoa traballadora autónoma por conta propia, será necesario que estea dada de alta no Réxime de traballadores/as autónomos/as da Seguridade Social, con anterioridade á publicación da presente convocatoria.

Prezo mensual: 324 €

O prazo de presentación de solicitudes estará aberto ata o 27 de maio de 2015.
As solicitudes poden tramitarse en https://sede.xunta.es co procedemento BS303B para estudantes e BS303D para traballadores/as.

Máis información no DOG do 8 de maio de 2015.
Lugo: http://xuventude.xunta.es/residencia-de-lugo.html
Ourense: http://xuventude.xunta.es/residencia-de-ourense.html
Vigo: http://xuventude.xunta.es/residencia-de-vigo.html

XI Concurso de Poesía Anomar

 A Asociación Recreativa e Cultural Os Tilos convoca a undécima edición do concurso de poesía Anomar.

Segundo a idade da persoa participante presentará a súa obra ou obras a categoría correspondente:
Categoría 1ª .- Rapaces e rapazas de 9 a 14 anos.

Categoría 2ª .- Mozos e mozas de 15 a 18 anos.

Categaría 3ª .- Maiores de 18 anos

A temática dos poemas é libre cun mínimo de 20 versos e un máximo de 100, e a lingua dos poemas será o galego.

Os poemas poden enviarse por correo ordinario a:
Asociación Recreativa e Cultural Os Tilos R/Ameneiro, número 8 15894 Os Tilos-Teo, cos datos persoais e teléfono de contacto nun folio anexo, ou se pode facer de forma on-line ao seguinte enderezo: arcostilos@arcostilos.org, a obra será remitida como arquivo axunto, sen poñer o nome da persoa, no corpo do e-mail terán que constar os datos do autor/a, e no asunto indicarase XI Concurso de Poesía “Anomar”.

O prazo para participar estará aberto ata o 12 de maio de 2015. E a decisión do xurado coñecerase o día 22 de maio nun acto público nos locais da asociación ás 20:30 horas.
Agardamos a participación de todas e todos os interesados neste xénero literario.
Máis información en http://asociacion.arcostilos.org/